गणेशोत्सवाच्या पावन पर्वावर 'क्रांतीवार्ता' डिजिटल न्यूज पोर्टलचा शुभारंभ!
डिजिटल आवृत्ती | मंगळवार, १४ सप्टेंबर २०२६ | वर्ष १, अंक १ | krantivarta.in
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
दादेगाव (प्रतिनिधी):
श्रींच्या आगमनाचे पावन पर्व आणि सामाजिक बांधिलकीचे औचित्य साधून क्रांतीज्योती सेवाभावी संस्थेच्या वतीने 'क्रांतीवार्ता' (krantivarta.in) या अधिकृत डिजिटल न्यूज पोर्टलचा शुभारंभ आज मोठ्या उत्साहात करण्यात आला.
बदलत्या डिजिटल युगात ग्रामीण तसेच शहरी भागातील ताज्या घडामोडी, शैक्षणिक प्रगती, सामाजिक प्रश्न, शेतकरी-पर्यावरण विषयक घडामोडी आणि जनसामान्यांचे प्रश्न निष्पक्ष व वस्तुनिष्ठपणे मांडणे, हा या वेब पोर्टलचा मुख्य उद्देश आहे.
डिजिटल माध्यमातील नवे पाऊल
माहिती आणि तंत्रज्ञान कायद्यांतर्गत (IT Rules, 2021) सर्व कायदेशीर निकष पूर्ण करून सुरु करण्यात आलेल्या या पोर्टलच्या माध्यमातून वाचकांना विश्वासाची, अचूक आणि गतिमान बातमीदारी अनुभवता येणार आहे. शैक्षणिक यशोगाथा, सामाजिक उपक्रम आणि ग्रामीण भागातील समस्यांना मुख्य प्रवाहात आणण्यासाठी हे व्यासपीठ कटिबद्ध राहील, असे मत संस्थापक अध्यक्ष निलेश नेहरू विधाते यांनी व्यक्त केले.
वाचकांसाठी खुले व्यासपीठ
सामाजिक हित आणि लोकशाहीच्या मूल्यांचे जतन करत 'क्रांतीवार्ता' हे पोर्टल वाचकांसाठी हक्काचा आवाज बनेल. सर्व वाचकांनी, नागरिकांनी आणि तरुणांनी या डिजिटल उपक्रमाशी जोडून घ्यावे, असे आवाहन क्रांतीज्योती सेवाभावी संस्थेच्या वतीने करण्यात आले आहे.
Comments
Post a Comment