क्रांतीवार्ता

बीड (प्रतिनिधी) : मराठवाड्यात पावसाने पाठ फिरवल्यामुळे संपूर्ण विभागात तीव्र दुष्काळी परिस्थिती निर्माण झाली असून, सप्टेंबर महिन्यात आतापर्यंत सरासरीच्या तुलनेत तब्बल ६० टक्के पाऊस कमी झाला आहे. तर १ जूनपासूनच्या एकूण पावसाचा विचार केला असता, ३२ टक्क्यांची मोठी तूट नोंदवली गेली आहे. यामुळे हातातोंडाशी आलेला खरीप हंगाम पूर्णपणे वाया जाण्याच्या मार्गावर असून, बळीराजाचे अर्थकारण कोलमडले आहे. या भीषण दुष्काळाच्या झळा आता बीड जिल्ह्यालाही तीव्रतेने बसू लागल्या आहेत. अपुऱ्या पावसामुळे बीड जिल्ह्यातील जवळपास ९० टक्के लघु व मध्यम प्रकल्पांमध्ये अत्यल्प पाणीसाठा शिल्लक राहिला आहे. पिण्याच्या पाण्याचा प्रश्न गंभीर बनला असतानाच, आता शेतीसोबतच जिल्ह्यातील मत्स्य व्यवसाय आणि मत्स्यबीज उत्पादनासमोरही मोठे संकट उभे ठाकले आहे. प्रकल्पांमधील पाणी झपाट्याने आटल्यामुळे मत्स्य व्यावसायिक आणि शेतकरी हवालदिल झाले आहेत. परिस्थितीची गंभीरता पाहता, शासनाने तातडीने मराठवाड्यात ओला/सुका दुष्काळ जाहीर करून शेतकऱ्यांना आणि ग्रामीण अर्थव्यवस्थेला सावरण्यासाठी तातडीने आर्थिक मदत व रब्बी हंगामासाठी विशेष ...