क्रांतीवार्ता

क्रीडा वृत्त: प्रभुरामचंद्र विद्यालय, दादेगाव येथील विद्यार्थिनींनी तालुकास्तरीय मैदानी स्पर्धेत चमकदार कामगिरी करत क्रीडा क्षेत्रात विद्यालयाच्या नावाचा सुवर्णमयी इतिहास रचला आहे. विविध क्रीडा प्रकारांमध्ये विद्यालयाच्या या होतकरू छात्रांनी घवघवीत यश संपादन करत थेट जिल्हास्तरीय स्पर्धेसाठी आपले स्थान निश्चित केले आहे. स्पर्धेतील यशस्वी विद्यार्थिनींचा तपशील: ३००० मीटर चालण्याची स्पर्धा: कु. सुप्रिया चंद्रकांत कोकरे हिने उत्कृष्ट कामगिरी करत प्रथम क्रमांक पटकावला. कु. रेश्मा बाळासाहेब लकडे हिने द्वितीय क्रमांक मिळवला. अडथळा शर्यत (हर्डल्स): कु. समृद्धी संतोष पोटे हिने जिद्द आणि कौशल्याच्या बळावर प्रथम क्रमांक मिळवला. कु. समृद्धी नितीन वाघुले हिने जिद्दीने खेळत तृतीय क्रमांक पटकावला. या सर्व यशस्वी विद्यार्थिनींची जिल्हास्तरीय स्पर्धेसाठी निवड झाली असून, त्यांच्या या यशाने दादेगाव परिसरात आनंदाचे वातावरण पसरले आहे. ग्रामीण भागातील मुलींनी खेळासारख्या क्षेत्रात घेतलेली ही उंच झेप अत्यंत प्रेरणादायी आहे. विद्यार्थिनींच्या या शानदार यशाबद्दल विद्यालयाचे मुख्याध्यापक, क्रीडा शि...

आष्टी (क्रीडा विशेष): आष्टी तालुका क्रीडा स्पर्धेत शालेय क्रीडा विभागांतर्गत आयोजित कबड्डी सामन्यांमध्ये प्रभुरामचंद्र विद्यालय, दादेगावच्या १७ वर्षाखालील वयोगटातील विद्यार्थिनींनी जिद्द, चिकाटी आणि उत्कृष्ट खेळाचे प्रदर्शन करत उपविजेत्या पदकाचा मान मिळवला आहे. कुस्तीपटूंची खाण आणि मातीतील अस्सल मल्ल घडवणारे माहेरघर म्हणून ओळखल्या जाणाऱ्या 'प्रभुरामचंद्र विद्यालय, दादेगाव' या शाळेच्या खेळाडूंनी कुस्तीप्रमाणेच इतर खेळांमध्येही आपली चमक दाखवून पुन्हा एकदा तालुक्यात शाळेचे नाव उंचावले आहे. अत्यंत अटीतटीच्या व चुरशीच्या झालेल्या या कबड्डी स्पर्धेत विद्यार्थिनींनी सांघिक खेळाचे उत्तम कौशल्य सादर करत अंतिम फेरीत धडक मारली पिंपळेश्वर विद्यालय पिंपळा विरुद्ध झालेल्या या सामन्यात विद्यार्थिनींनी उपविजेतेपद पटकावले. ग्रामीण भागातील विद्यार्थिनींनी प्रतिकूल परिस्थितीत मिळवलेल्या या घवघवीत यशामुळे संपूर्ण दादेगाव व आष्टी परिसरात आनंदाचे वातावरण पसरले आहे. खेळासोबतच जिद्द आणि कष्टाची जोड असेल तर ग्रामीण भागातील तरुणही कसे शिखरावर पोहोचू शकतात, याचे उत्तम उदाहरण या विद्यार्थिनींनी आपल्या या ...

गेवराई / प्रतिनिधी: बुद्धिबळ या बौद्धिक खेळामध्ये बीड जिल्ह्याने पुन्हा एकदा आपली चमक दाखवली आहे. जिल्ह्यातील सुपुत्र दिनकर शिंदे यांची कन्या कु. मनस्वी दिनकर शिंदे हिची प्रतिष्ठित बुद्धिबळ स्पर्धेसाठी निवड झाली असून, ती आता जिल्ह्याचे प्रतिनिधित्व करणार आहे. मनस्वी ही लहान वयापासूनच बुद्धिबळामध्ये अत्यंत हुशार आहे. तिने अनेक स्थानिक स्पर्धांमध्ये आपले कौशल्य सिद्ध केले असून, तिच्या या निवडीमुळे संपूर्ण बीड जिल्ह्यात आनंदाचे वातावरण आहे. या यशाबद्दल तिचे वडील दिनकर शिंदे आणि संपूर्ण कुटुंबाचे सर्व स्तरातून अभिनंदन होत आहे. मनस्वीच्या या यशामुळे बीड जिल्ह्यातील इतर विद्यार्थ्यांना देखील प्रेरणा मिळणार आहे. मनस्वीचे हार्दिक अभिनंदन आणि पुढील स्पर्धेसाठी खूप खूप शुभेच्छा..!