क्रांतीवार्ता

भविष्याचा मित्र - AI  |  अंक १२  |  Robot आणि AI – यंत्रमानव येतोय का? लेखक: किरण नागरगोजे | AI Cognitive Architect & Philosopher | अनुभव: १७+ वर्षे एक दृश्य. एक robot स्वयंपाक करतो, भांडी धुतो, घर झाडतो. आईला घरकामातून सुट्टी! हे चित्रपटात दाखवतात – पण हे खरोखर शक्य होणार का? आणि कधी? Robotics आणि AI – यांचा संबंध काय? Robot म्हणजे एक यंत्र जे शरीराने काम करते. AI म्हणजे एक मेंदू जो विचार करतो. जेव्हा Robot ला AI दिला जातो, तेव्हा तो 'हुशार robot' बनतो. म्हणजेच तो स्वतः निर्णय घेऊ शकतो – 'आता काय करायचे?' जगात AI Robots काय काय करतात? Boston Dynamics चा Atlas – उड्या मारतो, पुठे उचलतो, खडकाळ जमिनीवर धावतो Tesla Optimus – घरातील कामे करणारा humanoid robot Warehouse Robots – गोदामात दिवसरात माल ठेवतात, शोधतात Surgical Robots (Da Vinci) – शस्त्रक्रियेत डॉक्टरांना मदत Drone Delivery – Swiggy, Zomato चे जेवण drone ने भारतात AI Robots DR...

क्रांतीवार्ता विशेष: यंदाचा गणेशोत्सव विशेष ठरला कारण लाडक्या बाप्पाला तब्बल १२ दिवस आपली सेवा करण्याची संधी भाविकांना मिळाली. १२ दिवसांच्या या दिमाखदार आणि भक्तीमय सोहळ्याची सांगता अत्यंत उत्साहात पार पडली. गावागावांपासून शहरांपर्यंत सर्वत्र ढोल-ताशांचा गजर, वाजत-गाजत आणि गुलालाची उधळण करत लाडक्या बाप्पाला निरोप देण्यात आला. 'गणपती बाप्पा मोरया, पुढच्या वर्षी लवकर या' असा आसमंत दुमदुमणारा जयघोष करत हजारो भाविकांनी आपल्या लाडक्या गणरायाला साश्रू नयनांनी निरोप दिला. विसर्जन मिरवणुकीदरम्यान तरुणांनी आणि महिलांनी गुलालाची उधळण करत ठेका धरला होता. तब्बल १२ दिवस मुक्काम केल्यामुळे बाप्पाच्या निरोपाचा हा क्षण प्रत्येकाचे मन हेलावणारा आणि तितकाच भावनिक होता. विसर्जनस्थळी कायदा व सुव्यवस्था राखण्यासाठी पोलीस प्रशासनाकडून चोख बंदोबस्त ठेवण्यात आला होता. बाप्पाच्या पाठवणीने घराघरांमध्ये आणि सार्वजनिक मंडळांमध्ये काहीशी पोकळी निर्माण झाली असली, तरी 'पुढच्या वर्षी लवकर या' या अपेक्षेने सर्वांच्या चेहऱ्यावर बाप्पाच्या आगमनाची आस स्पष्ट दिसत होती.